వెంకటేశ్వర సుప్రభాతం కొరకు

వెంకటేశ్వర సుప్రభాతం కొరకు

4, నవంబర్ 2011, శుక్రవారం / No Comments

చాలా రోజుల తర్వాత తెల్లవారుఝాము 4 గంటలకే లేచే అవకాశం చిక్కింది. కొంచం ప్రశాంతంగా వుంటుందని  నెట్ లో వెంకటేశ్వర సుప్రభాతం పెట్టుకుని వింటున్నాను. ఒక్కసారిగా చిన్ననాటి జ్ణాపకాలు కళ్ళముందు కదిలాయి.ఉదయాన్నే రేడియో లో సుప్రభాతం వస్తుంటే అదివింటూ ఇంట్లో పెద్దవారందరు ఎవరి పనుల్లో వారు నిమగ్నమయ్యేవారు. ఇంతకీ ఇక్కడ నేను బ్లాగరులకు విజ్ణప్తిచేసేది ఎమిటంటే 'వెంకటేశ్వర సుప్రభాతం' అర్దాన్ని వివరణాత్మకంగా బ్లాగరులెవరైనా ఎక్కడైనా రాసినా, చదివినా ఆ లింక్ ని ఇవ్వగలరని మనవి. దానిని అర్దవంతంగా చదవాలనేది నాకోరిక.

ఎలక దూకుడు!

ఎలక దూకుడు!

22, అక్టోబర్ 2011, శనివారం / No Comments

ఏదో మంచి స్మెల్ వస్తుంది!

వెళ్ళి చూస్తే పోలా!

మ్..మ్... మంచి స్మెల్..హయ్!

అమ్మో ఎవడో చూసేసాడు!

వెంటనే వెళ్ళిపోవడం బెటర్! ఈ సైకిల్ పంపు ఎక్కితే మనం జంప్ జిలానీ!

 

వస్తున్నాడా...వదిలేసాడా?

అమ్మో.. వచ్చేసాడు!

దూకుదామంటే అవతలకేమీ కనపడదే!

ఇటునుంచి దూకేద్దామా!

ఇటుకూడా దారి లేనట్టుంది!

దారిలేదు..దొరికేసినట్టే బాబోయ్!

వాడొచ్చేసాడు కాంప్రమైజ్ అవ్వడం బెటర్!

తప్పు చేసానని ఒప్పేసుకుందాం!

నన్ను మన్నించండి ప్లీజ్..ఇంకెప్పుడు ఎగేసుకుని రాను!

అందుకే అంటారు...అంత దూకుడు పనికిరాదని!

శ్రీమతి ఊరేలితే ?

శ్రీమతి ఊరేలితే ?

1, అక్టోబర్ 2011, శనివారం / No Comments

ఇంట్లో భార్యలు ఉన్నంత వరకు భర్తలకు భోజనం విషయంలో ఎలాంటి ఇబ్బంది వుండదు. ఒకవేళ ఆమె బయటకు వెళ్ళినప్పుడు భర్తలకు కంచం కంటే ముందు కిచెన్ రూం గుర్తుకొస్తుంది.బ్యాచిలర్స్ గ వున్నప్పుడు కొద్దో గొప్పో వంటగది పరిచయం వుంటే పర్వాలేదు. లేకపోతే పరిస్థితి ఎలా వుంటుందో చెప్పక్కర్లేదు.  ఏం వండుకోవాలి? ఎలా వండుకోవాలి? అసలు వండుకోవాల ? వద్దా? వండుకుంటే ఆ వంట ఎలా ఉండొచ్చు? ఆ వండింది మనం తింటామ? కుక్కలు, పిల్లులు కూడా ముట్టుకోకపోతే చెత్త బుట్టకు అర్పిస్తామ? ఇలా అనేక ప్రశ్నలు మనం భోజనం చెయ్యడానికంటే ముందు మనల్ని భోంచేస్తాయి. ఇలాంటి సందర్భంలో మగమహారాజుల అత్యధికంగా ఎటువైపు మొగ్గు చూపిస్తారో తెలుసుకునే చిన్న ప్రయత్నం ఇది. ఇక్కడ పురుషులే తమ అభిప్రాయాలను తెలియచేయ్యాలనే రూల్ లేదు. మీరు ఇంట్లో లేనపుడు మీ వారు ఎలా తింటారో తెలుసుకాబట్టి మహిళలు కూడా వోటు వెయ్యవచ్చు. 

పాంచ్ పంచ్

పాంచ్ పంచ్

28, సెప్టెంబర్ 2011, బుధవారం / No Comments

హలో నమస్తే.. మిమ్మల్ని అలరించడానికి మీముందుకు వొచ్చింది  మీ అభిమాన కార్యక్రమం 'పాంచ్ పంచ్'. ఈ గేమ్ షో లో ఐదు ప్రశ్నలు వుంటాయి. అంటే మేము మిమ్మల్ని ఐదు ప్రశ్నలు అడుగుతాము. మీరు కరెక్ట్ సమాధానం చెప్పే ఒక్కొక్క ప్రశ్నకు మేము మీకు ఒక్కొక్క ప్రత్యేక కృతజ్ఞత తెలియజేస్తాము. అంటే మీరు ఐదు సమాధానాలు కరెక్ట్ గ చెబితే ఐదు ప్రత్యేక కృతజ్ఞతలు మీ  సొంతం చేసుకోవచ్చు. మరి ఆలస్యం ఎందుకు గేమ్ స్టార్ట్ చేసేద్దామ? 

౧. మన చేతిని 'ముష్టి' అని ఎప్పుడు అంటాము?

   జ: 

౨. 'మీ భవిష్యత్తు మీరు కనే కలలపై ఆధారపడి వుంటుంది' అని టీచర్ అన్న వెంటనే అతి తెలివి విద్యార్ధి ఏం చేస్తాడు?

  జ: 

౩. మీకు ఒకే అన్నయ్య.. మీ చెల్లి కి మాత్రం ఇద్దరు అన్నయ్యలు అంటే మీ కుటుంబంలో మీరు ఎన్నో సంతానం ?

జ: 

౪. మనం పుట్టిన వెంటనే ఒకరు చెప్పక్కర్లేకుండా చేసే పనులు రెండు.. ఆందులో మొదటిది గాలి పీల్చడం. రెండోది ఏమిటి?

జ: 

౫. రెండు గోడలు కలిసే ప్రదేశం తో  వచ్చేది నా జన్మ నక్షత్రం. అది ఏమిటి?

జ: 

*గమనిక : ఈ గేమ్ షో లో బ్రేక్ తర్వాత చూట్టానికి ఏమి వుండదు. కాబట్టి మీ సమాధానాల్ని యిప్పుడే చెప్పేయాలి.

దీనిని ఎలా చదవాలి / ఎంత అని అనాలి?

దీనిని ఎలా చదవాలి / ఎంత అని అనాలి?

27, సెప్టెంబర్ 2011, మంగళవారం / 2 Comments

దీనిని ఎలా చదవాలి / ఎంత అని అనాలి? 

 

ఈ మధ్య నాకు వచ్చిన మెయిల్ లో ఈ ఇమేజ్ మన కరప్షన్ రేంజ్ ని మరో సారి గుర్తుచేసింది .. కాని ఈ మొత్తం స్కాం ని ఎన్ని కోట్లు అనాలో నాకు తెలియలేదు. ఎవరికైన తెలిస్తే ఈ సంఖ్య ను / మొత్తాన్ని  ఎలా చదవాలో చెప్పండి.

ప్రజలే కదాని రెచ్చిపోతే..

ప్రజలే కదాని రెచ్చిపోతే..

2, జులై 2011, శనివారం / No Comments

ఇవాళ ఈనాడు లో 'పుణ్యభూమి' ఆర్టికల్ పోలీసుల గురించి రాసారు. నిజానికి అనేక కారణాల వలన సామాన్య ప్రజలే పోలీసులంటే భయపడుతున్నారు. అలాంటి ప్రజలే ఇలా తిరగబడ్డారంటే వాళ్ళు ఎంతగా సహనం కోల్పోయారో. కుదిరితే మీ  కామెంట్ చెప్పండి.

ఒక సారి ట్రై చేసి చూడండి

ఒక సారి ట్రై చేసి చూడండి

2, జూన్ 2011, గురువారం / No Comments

కంప్యూటర్ మీద బిజీ గ వర్క్ చేస్తున్నాను. నాకు మౌస్ ఉపయోగించడం కంటే ఎక్కువ కీ బోర్డు commands తో వర్క్ చెయ్యడం ఇష్టం. word  లో లెటర్ టైపు చేస్తూ  ఏ కమాండ్ కొట్టానో తెలీదు సడన్ గా ఒక్క సెకను స్క్రీన్ black  అయిపొయింది. తర్వాత word  document  మొత్తం రివెర్స్ లో తలక్రిందులుగా  మారిపోయింది. ఏమయ్యిందో తెలీదు. type  చేస్తుంటే అక్షరాలు రివర్స్  లోనే పడుతున్నాయి. ctrl + z  కమాండ్ పనిచేస్తుంది కదాని  నొక్కుతుంటే డేటా వరకు undo  అవుతుంది గాని విండో మాత్రం మామూలు స్థితి  కి రావట్లేదు. ఆఖరికి కీ బోర్డు పై రక రకాల ప్రయోగాలు చేస్తే నేను యిచ్చిన కమాండ్ ఏంటో తెలిసింది. 

ctrl  + alt + down arrow  నొక్కాను. ఆ కమాండ్ కి విండో మొత్తం rivers  అయిపొయింది. తర్వాత ctrl + alt  + up  arrow  కొడితే మామూలు position  కి వచ్చేసింది. కాసేపు కంగారు పెట్టిన కమాండ్ తెలిసిన తర్వాత భలే బాగుందనిపించింది. ఈ కమాండ్ మీకు యిదివరకే తెలిస్తే ఓకే. లేదంటే ఒక సారి ట్రై చేసి చూడండి.

నోరూరితే ఒక కామెంట్ పెట్టండి

నోరూరితే ఒక కామెంట్ పెట్టండి

21, మే 2011, శనివారం / No Comments

ప్యాట్ని సెంటర్ లో అమ్మకానికి తీసుకెళ్తుంటే  నా మొబైల్ కెమెరాకు చిక్కాయి..గంపెడు బూరలు.(కొంతమంది వీటిని గోల్డ్ ఫింగర్స్ అంటారు). నోరూరితే ఒక కామెంట్ పెట్టండి.

మోడర్న్ రావణాసురుడు

మోడర్న్ రావణాసురుడు

20, మే 2011, శుక్రవారం / 4 Comments

ఈ ఫోటో చూడగానే ఏదైనా సరదా కామెంట్ తళుక్కున మీ ఊహకొస్తే నా బ్లాగ్ లో పెట్టేసి వెళ్ళిపోండి ప్లీజ్!

కవల కోడిపిల్లలు

కవల కోడిపిల్లలు

26, మార్చి 2011, శనివారం / 3 Comments

నాకొక డౌట్ వచ్చింది. దానిగురించి రెండు రోజులుగా, రెండు మూడు రకాలుగా ఆలోచిస్తుంటే జుట్టు రాలిపోవడం మినహా కరెక్ట్ పరిష్కారం దొరకట్లేదు.మీలో ఎవరైనా నా డౌట్ ని క్లియర్ చేసి పుణ్యం కట్టుకోండి ప్లీజ్!
అసలు నా సందేహం ఏమిటంటే..
"కవల కోడిపిల్లలు అని వేటిని అంటారు?"
ఆప్షన్స్ :- 
A   ఒకే కోడి కి పుట్టిన కోడి పిల్లలు 
B   ఒకే గుడ్డులోనుండి పుట్టిన కోడి పిల్లలు
C   ఒకే పోలికలు వున్నా కోడి పిల్లలు 
ఎన్ని రకాలుగా ఆలోచించిన కరెక్ట్ లాజిక్ తో కూడిన సమాధానం దొరకట్లేదు. మీకేమయిన తెలిస్తే కింద కామెంట్ బాక్స్ లో పెట్టేయండే..ప్లీజ్ !

బొంగరాల పాట!

బొంగరాల పాట!

11, మార్చి 2011, శుక్రవారం / No Comments

బ్లాగరులందరికి శనివారం శుభాకాంక్షలు! ప్రతిరోజు క్రమం తప్పకుండ టపాలు రాసి  మీతో నిరంతర అంతర్జాల ప్రయాణం చెయ్యాలని అనుకుంటున్నప్పటికీ కొన్ని అనివార్య కారణాల వల్ల కుదరడం లేదు .

గత టపాలో మట్టిబొంగారాల తయారి, బొంగరాల  పోటీ గురించి రాసాను గాని ఆ పోటీలో బొంగరాలను ఉత్సాహ పరిచేందుకు పోటీదారులు (పెద్దలు కాదు బుడతలు) పాడే పాట గురించి రాయడం మర్చిపోయాను. చిన్న పిల్లలు ఏదైనా పని చెయ్యకపోతే పెద్దవాళ్ళు వారికి తాయిలాలు (బెల్లం ముక్క, వేపుడు శనగపప్పు, పటిక బెల్లం...)  ఇస్తానని ఆశ పెడతారు. బహుశ దాని ఇన్స్పిరేషన్ అయ్యుంటుంది... ఎవరికి వారు తమ బొంగారాలకు ఇవ్వబోయే తాయిలాలను చెబుతూ ఈ పాట పాడతారు. ....

పాలకొల్లెల్లి   పప్పలు తెస్తాను గుక్కెట్టే బొంగరం!
ఆచంటేల్లి   అరిసెలు తెస్తాను గుక్కెట్టే బొంగరం!
కాకినాడెల్లి కాజాలు తెస్తాను గుక్కెట్టే బొంగరం!
కొవ్వురెల్లి కూల్ డ్రింక్ తెస్తాను గుక్కెట్టే బొంగరం!
భీమారమెల్లి బిందెలు తెస్తాను గుక్కెట్టే బొంగరం!
రాజోలెల్లి రంగులు తెస్తాను గుక్కెట్టే బొంగరం!
చీరాలెల్లి చీరలు తెస్తాను గుక్కెట్టే బొంగరం!
వల్లూరెల్లి పువ్వులు తెస్తాను గుక్కెట్టే బొంగరం!
.........
* పాలకొల్లు, ఆచంట, కాకినాడ, కొవ్వూరు, భీమవరం, రాజోలు, చీరాల, వల్లూరు... ఇవన్నీ మాకు తెలిసిన చుట్టుపక్కల ఊరు పేర్లు.
* ఇక్కడ  'గుక్కెట్టే బొంగరం' అంటే చిన్న పిల్లలు ఆగకుండా  గుక్కపెట్టి ఏడవడం లాగ  బొంగరం కూడా ఆగకుండా తిరగాలని బుడతల రిక్వెస్ట్ .

* ఇన్ని ఊళ్ళు తిరిగి తెచ్చే పప్పలు (తినుబండారాలు) ,చీరలు, పువ్వులు  అది ఏం చేసుకుంటుంది అని మాత్రం అడగొద్దు. ఇలాంటివన్నీ  ఆశ చూపిస్తే బాగా తిరుగుతుందేమో, నన్ను గెలిపిస్తుందేమోనని పిల్లల ఆశ.

మట్టి బొంగరం!

మట్టి బొంగరం!

21, ఫిబ్రవరి 2011, సోమవారం / 3 Comments

ఇప్పుడంటే మార్కెట్ లో రెడి మేడ్ చెక్క బొంగరాలు, ప్లాస్టిక్ బొంగరాలు దొరుకుతున్నాయిగాని వీటికి భిన్నంగా మట్టి తో చేసే బొంగరాలు ఉండేవి.  చిన్నప్పుడు మట్టి బొంగరాలను స్వయంగా చేసుకుని వాటి తో పిల్లలందరం అరుగు మీద కూర్చుని బొంగరాల పోటీలు పెట్టుకునే వాళ్ళం. ఈ విషయంలో 'మారంపూడి వాన' గారి అబ్బాయ్ 'భాను' మా అందరికంటే ఎక్ష్ప ర్ట్. మట్టి తో ఆట వస్తువులు చెయ్యాలంటే సరైన మట్టిని ఎంచుకోవడం చాలా ముఖ్యం. చేలకు నీళ్ళు  పెట్టడానికి కాలవకు అడ్డం వేసిన తర్వాత దానికి దిగువ భాగాన వున్న గట్టు అంచుల నుండి మట్టిని తీసుకుని దానికి కొంచెం  నల్ల (ఊకను కాల్చగా వచ్చే పొడి ) కలిపి దానితో రకరకాల వస్తువులు చెయ్యడం వాడి స్పెషల్. ఎద్దుల బండి, ట్రాక్టర్, ఆవులు, ఇల్లు., ఇలా రక రకాల వస్తువులు చేసేవాడు.

     ఇక బొంగరాల విషయానికి వస్తే.. గోళీకాయ పరిమాణంలో మట్టి ముద్దను తీసుకుని దాన్ని చేతితో వత్తుతూ నేలపై గుండ్రంగా వత్తాలి. దాన్ని పిప్పరమెంట్ బిళ్ళ ఆకారంలో తయారు చేసి దాని మధ్యలో చిటికెన వేలంత పొడవుండే  కొబ్బరి ఈన గుచ్చాలి. ఈన  గుచ్చుకున్న ప్రాంతంలో మట్టి బిళ్ళ కు  పైన కింద చిన్న బొడిపెల  వోత్తగానే మట్టి బొంగరం రెడి. దీనిపైన చిన్న తగరపు పొర ను అంటిస్తే  బొంగరం తిరిగేటపుడు కలరపుల్ వుంటుంది .

    ఈ మట్టి బొంగరాన్ని తిప్పడం కూడా ఒక టాలెంట్ అనొచ్చు. రెండు అరచేతుల మధ్య బొంగరం ఈన ను వుంచి బొంగరం క్రింది బాగంలో వున్న చిన్న ఈన కొనను నేలపై వుంచి కొంచెం  ఫోర్స్ గా తిప్పి వదిలెయ్యాలి. ౧...౨...౩... అని అంకెలు లెక్కపెట్టి అందరు తమ తమ బొంగారాలిని వొకేసారి తిప్పి వదిలెయ్యాలి. అన్ని బొంగరాల కంటే ఆఖర్న ఎవరి బొంగరం తిరగడం ఆగితే వాళ్ళు గెలిచినట్టు  లెక్క. !

     కేవలం పిల్లలే ఆడక్కర్లేదు. మీ పిల్లలతో పోటీపడి ఆడితే కాసేపు మీరు కూడా చిన్న పిల్లలైపోవచ్చు .

అందమైన అమ్మ- కథ

అందమైన అమ్మ- కథ

20, జనవరి 2011, గురువారం / No Comments

కాంక్రీట్ జంగిల్ లో సూరీడు ఆకాశహార్మ్యాల మధ్య ఉదయించాడు. నిన్నటి వరకు సంక్రాంతి పేరుతో ఫ్రెష్ గా కనిపించిన హైదరాబాద్ మహానగరం మళ్ళీ రష్ గా తయారయ్యింది. ఎటుచూసినా చీమలదండుల్లాంటి వాహనాలు.     దిక్కులు పిక్కటిల్లేలా అరుస్తూ నలువైపులాచక్రాల పరుగులే. వీటన్నిటికీ నిత్య ప్రేక్షకపాత్రలో రోడ్డు మధ్యలో ట్రాఫిక్ సిగ్నల్స్.  కాదేదీ  కడుపు నింపటానికి అనర్హం అన్నట్టుగా ఆట్రాఫిక్ సిగ్నల్స్ ని నమ్ముకుని బిక్షాటన చేసి కడుపు నింపుకునేవాళ్ళు, కాలం వెళ్ళదీసేవాళ్ళు ఎంతోమంది.                                                                                              
   రెడ్ లైట్ పడింది..! అనకొండలా కదులుతున్న వాహనాలన్నీ ఒక్కసారిగా ఆగిపోయాయి. అప్పటివరకూ ఫుట్ పాత్ పై ఆడుకుంటున్న పిల్లలు బిలబిలమంటూ ఆగివున్న వెహికల్స్ దగ్గరకు పరుగుతీసారు.అందరిదీ ఒకేతీరు.. జాలీగా ముఖంపెట్టి చేయిచాచడం! అందరిదీ ఒకేమాట.."అమ్మా..అయ్యా.." అంటూ!వారిని చూడగానే కాస్ట్లీ కారు విండోలు క్లోజ్ అయిపోతాయి. హెల్మెట్ ఫేసులు ఎటో చూస్తుంటాయి.ఇచ్చేవారు ఇస్తున్నారు..తిట్టేవారు తిడుతున్నారు. కొంచెంసేపు అవ్వగానే మళ్ళీ హారన్ల మోత. గ్రీన్ లైట్ పడిందిమరి.

   సిగ్నల్స్ దగ్గర రెడ్ లైట్ పడగానే వారికి ఎంతో ఆనందం. వాహనాలన్నీ ఒక్కసారిగా ఆగిపోతాయి. అప్పుడు వారికి సాయం చేసే మహరాజులు దొరుకుతారు. గ్రీన్ లైట్ అంటే వారికి కోపం,అది పడగానే ఆ మహరాజులు చేజారిపోతారు కాబట్టి.
   ఇంతటి గందరగోళంలోనూ తనకేమీ సంబంధం లేనట్టుగా దూరంగా గోడపై దిగులుగా కూర్చుని ఆలోచిస్తున్నాడు ఎనిమిదేళ్ళ కుర్రాడు 'చెంచు'. తను కూడా ట్రాఫిక్ సిగ్నల్ కుటుంబీకుడే. తను కూడా రెడ్ లైట్ ను మెచ్చుకుంటూ గ్రీన్ లైట్ ను తిట్టుకుంటూ చిల్లరకోసం చేయి చాచేవాడే..! కానీ ఈరోజు అవేమీ పట్టనట్టుగా కూర్చున్నాడు. కొత్తగా దేనికోసమో ఎదురుచూస్తున్నట్టు తదేకంగా రోడ్డుపై వచ్చిపోయే కార్లను చూస్తున్నాడు. రోడ్డు ఖాళీ అయినపుడు మాత్రం దూరంగా కనిపించే ఎండమావుల్ని చూస్తూ తన పసి హృదయంతో పోటీపడి కలవరపడుతున్నాడు. ఇదంతా నిన్నటి సంక్రాంతి రోజు రేపిన చిచ్చు. అదెలా అంటే..?!
    చెంచు ఒక అనాధ. అలా అంటే వాడు అస్సలు ఒప్పుకోడు..'మా అమ్మ నన్ను కని చెత్త కుప్పలో పడేసి వుండొచ్చు.. కానీ నన్ను చేరదీసిన అవ్వ నాతో వుంది. ఆ చెత్తకుప్ప కూడా ఇంకా నా పక్కనే వుంటుంది. ఇల్లు వదిలి రోడెక్కినవారందరూ నా చుట్టూ తిరుగుతూనే వుంటున్నారు..' అంటూ ఏదేదో చెప్తాడు రచయిత ఊహల్లోని క్యారెక్టర్ లా. అలాంటి 'చెంచు' సంక్రాంతి పండుగరోజు తన అవ్వ నడిగి ఒక కొత్తసినిమా చూడటానికి వెళ్ళాడు.
   దియేటర్ లో కూర్చున్నాడు...స్క్రీన్ కి ముందు వరుసలో...మనసంతా ఒకటే ఆనందం.మెడ ఎత్తి కళ్ళు పెద్దవి చేసి చూసేంత ఆనందం. ఆ ఆనందాన్ని చంపుకోవడం ఇష్టంలేక బొత్తాములు తెగి జారిపోతున్న చొక్కాను ఎగరేసి ఈల వేస్తున్నట్టుగా ఓ వెర్రి కేక వేసాడు. దియేటర్ లో బెల్ మోగింది..! సినిమా బిగినయ్యింది...!
'పండగ పూట కూడా..' అన్నట్టుగా చెంచు కి ఆ సినిమాలో కూడా తను రోజూ చూసే మురికి వాతావరణమే కనిపించింది..అదొక స్లమ్ ఏరియా..! స్క్రీన్ పై కనిపిస్తున్నవారందరూ నిరుపేదలు, ముష్టివాళ్ళు. ఇదంతా నేను ప్రతిరోజూ చూసేదే ఇందులో కొత్తదనం ఏముంది అనుకున్నాడు. వెంటనే బయటకు వచ్చెయ్యాలని అనిపించింది. అప్పుడు కనిపించింది ఒక కొత్త దృశ్యం..                                                                                                           
    ఆ మురికి వాడలోకి ఒక ఖరీదైన కారు సుతి మెత్తగా వచ్చి ఆగింది. అంతకంటే మరో అధ్భుతం.. దేవకన్యలాంటి ఒక స్త్రీ కారు దిగింది. ఆమెను చూస్తుంటే పేదరికానికి మరింత కన్నుకుట్టేలా వుంది. ఆమె సరాసరి బరకంతో కుట్టుకుని వున్న ఒక గుడిసె దగ్గరకు వెళ్ళింది.ఇంతలో ఒక ముసలావిడ ఐదేళ్ళ కుర్రడితో బయటకొచ్చింది. ఆపిల్లాడు చూట్టానికి చాలా వికారంగా వున్నాడు.వెంటనే ఆమె ఆపిల్లాడ్ని దగ్గరకు తీసుకుని గుండెలకు హత్తుకుని ఏడ్చింది. వాడి ఒళ్ళంతా ముద్దులు పెట్టుకుంది.

    చెంచు మెదడులో ఒక్కసారిగా ఏవేవో కొత్త ఆలోచనలు, అలజడులు. రెప్పవేయకుండా అలానే చూస్తున్నాడు. దియేటర్లో డైలాగ్స్ వినిపిస్తున్నాయి.." ఆవేశంలో తప్పు నేను చేసాను, అనాదను చేసి శిక్ష నీకు వేసాను. నన్ను క్షమించు నాన్నా.." ఆతల్లి పిల్లాడిని పట్టుకుని ఏడుస్తుంది. ఆ తర్వాత ఏదేదో జరుగుతుంది. అవన్నీ చెంచు మెదడులోకి ఎక్కడంలేదు. చివరిగా ఆతల్లి అక్కడున్నవారందరికీ ఏడుస్తూ చేతులెత్తి దణ్ణం పెడుతూ ఆపిల్లాడిని తన కారులో కూర్చోబెట్టుకుని అక్కడ్నించి బయల్దేరింది. చిన్నప్పుడే తనని కని పారేసిన తల్లి తిరిగి తన వద్దకు వచ్చినందుకో లేక తనను చూడగానే మూసుకుపోయే అద్దాల కారులో ఇప్పుడు తను కూర్చున్నందుకో తెలియదుగాని ఆ పిల్లడు మాత్రం ఇప్పటికి నవ్వుతూ చేయి ఊపుతున్నాడు.

    ఆ తర్వాత ఏంజరిగిందో తెలియదు. చెంచుమాత్రం వెంటనే దియేటర్ లో నుంచి బయటకు వచ్చేసాడు. ఆలోచనలతోనే సిగ్నల్స్ వద్దకు వచ్చాడు. ఇప్పుడక్కడ వున్నవేమీ అతనికి కనిపించడంలేడు, నచ్చడంలేదు. అందుకే కొంచెం దూరంగా రోడ్డుపక్కనే చెత్త కుండీ పక్కనే వున్న పిట్టగోడపై కూర్చున్నాడు. తను చూసిన సినిమాలోని కధను తనకు ఆపాదించుకున్నాడు. "నన్ను కూడా మా అమ్మ కని వదిలేసిందని, అనాదను చేసిందని అందరూ అంటారుకదా..! ఇప్పుడు ఆ సినిమాలో వచ్చినట్టు నన్ను వెతుక్కుంటూ అంత అందమైన అమ్మ నాదగ్గరకు వస్తుందికదా..

    అదే సిగ్నల్..అదే ట్రాఫిక్..! రెడ్ లైట్ మారలేదు, గ్రీన్ లైట్ మారలేదు. కానీ చెంచు మనసు ఇప్పుడు పూర్తిగా మారిపోయింది. అతనికిపుడు ఒకటే ఆశ, ఆలోచన.ఆ చెత్తకుండీ పక్కన, ఆపిట్టగోడ మీద కూర్చుని వచ్చిపోయే కార్లను ఎంతో ఆతృతగా చూస్తున్నాడు. ఎప్పుడైనా ఒక కారు పొరపాటునా తనకెదురుగా ఆగితే చాలు ఎంతో ఆశగా లేచి చూసేవాడు. అదివెళ్ళగానే అంతే నిరాశగా గోడపైకి ఎక్కి కూర్చునేవాడు. ఉబికి వస్తున్న కన్నీళ్ళను బలవంతంగా ఆపుకునేవాడు. సంవత్సరాలు గడిచిపోయాయి.

    "సంక్రాంతి రావడం,పోవడం ఆగలేదు.. నా ఎదురు చూపులూ ఆగలేదు.. అందుకే చివరకు నేనే ఒక నిర్ణయానికి వచ్చేశాను. ఎవరన్నారు నాకు అమ్మలేదని.. నాకళ్ళముందు ఇంతమంది కనబడుతుంటే..! అందమైన అమ్మకోసం చూసి చూసి అందరిలోనూ అమ్మను చూడటం మొదలు పెట్టాను. రెడ్ లైట్ ను మెచ్చుకుంటూ, గ్రీన్ లైట్ ను తిట్టుకుంటూ .. ఆ సిగ్నల్ దగ్గర అందరినీ యాచిస్తూ.." - చెంచు 

వివిధ దేశాల రక్షక నారిమణులు

వివిధ దేశాల రక్షక నారిమణులు

9, జనవరి 2011, ఆదివారం / No Comments

క్యార్ క్యార్

క్యార్ క్యార్

7, జనవరి 2011, శుక్రవారం / No Comments

ఇవాళ అనుకోకుండా ఒక ఫ్రెండ్ బోంబే నుండి చాలా రోజుల తర్వాత ఫోన్ లో కలిసాడు. పెళ్లి గురించి అడిగితే 'సహజీవనం' సంగతి తెలిసింది. ఈ సందర్భంలో ఒక చిన్న ఫన్ కౌంటర్ ...
"గురూ...గురూ..."
"ఏంట్రా..?ఏంటా ఆత్రం?"
"ఇదెక్కడి అన్యాయం గురూ..నాకు చెప్పకుండా వెళ్ళిచేసుకుంటావా?"
"పెళ్ళా..నేనా..ఛఛ.."
"ఛఛ ఏంటి..నిజమే కదా"
"ఎహే..ఇప్పట్లో పెళ్ళి ఆలోచనే పెట్టుకోకూడదని నేనెప్పుడో ఫిక్సైపోతేని"
"అదేంటి..మరి ఆ అమ్మాయి,నుĸ 5;్వు కలిసి ఒకే ఇంట్లో వుంటున్నారట"
"ఓ అదా..దాన్ని పెళ్ళి అనరు..సహజీవ నం అంటారు"
"అంటే పెళ్ళికి ముందే ఉంచుకోవడమా గురూ?!"
"ఛఛ..అదేంమాటరా..తప్పు కళ్ళుపోతాయ్"
"నా కళ్ళు పోవడం కాదు నీ పరువు పోతుంది"
"ఆ పోతేపోనీరా! ఈ వంకతో రుచులు,అభిరుచులంటూ కొన్నాళ్ళపాటు అమ్మాయిలతో హ్యాపీగా గడిపెయ్యొచ్చు"
"ఈలోగా జరక్కూడనిది ఏదైనా జరిగితే?"
"అంటే?"
"అదే గురూ! కరెంటు పోవడమో...ఆపై కాలు జారడమో లాంటివి జరిగితే?"
"ఆ..అప్పుడు చూస్కోవచ్చులే.దానికెలాంటి శిక్షలు,సెక్షన్లు కోర్టు చెప్పలేదుకదా"
"అలాగని ఈ సహజీవనం పేరు చెప్పి ఎవరికివాళ్ళు పెళ్ళికి ముందు మీలా రెచ్చిపోతే"
"అప్పుడు ఇండియాలో కూడా అమెరికాతో సమానంగా ఒక డైలాగ్ వినబడుతుందిరా.."
"ఏంటి గురూ అది?"
"ఏమండీ..!మీ పిల్లలు మా పిల్లలూ కలసి మన పిల్లల్ని కొడుతున్నారు' అని"
"ఆ!!??..అంటే"
"ఏముంది..ఆయనకు పెళ్ళికిముందేక్యార్..క్యార్, ఆవిడకూ పెళ్ళికి ముందే క్యార్..క్యార్, వీళ్ళిద్దరికీ పెళ్ళాయ్యాకమళ్ళీ క్యార్..క్యార్..అంతే"
"క్యార్...!!???"

తల్లి ప్రాంతాలపైన.. బిడ్డ మతాల పైన!

తల్లి ప్రాంతాలపైన.. బిడ్డ మతాల పైన!

1, జనవరి 2011, శనివారం / No Comments

బ్లాగరులు అందరికీ నూతన సంవత్సర శుభాకాంక్షలు . అంతర్జాల మిత్రులను  నిరంతరం ఎన్నెనో కబుర్లతో పలకరించాలని ప్రారంబించిన నా 'వెన్నెల గోదారి' బ్లాగును కొన్ని అనివార్య కారణాల వలన కొద్దిరోజులుగా పట్టించుకోలేకపోయాను. కనీసం జనవరి మొదటిరోజు శుభాకాంక్షలు కూడా చెప్పలేకపోయాను. సరే..ఈలోపుగా ప్రతి రోజు ఎన్నెన్నో సంఘటనలు. ఈ మధ్య మనదేశ పాలనా యంత్రాంగంలో చూస్తున్న కొన్ని విషయాల ఆధారంగా ఒక చిన్న కథ స్పురించింది. 

"అనగనగ ఒక రాకుమారి. ఆ రాకుమారిని మరో దేశ రాకుమారుడులాంటి వ్యక్తి ప్రేమించాడు. అనంతరం  అతను ఒక రాజ్యానికి నాయకుడయ్యాడు. దురద్రుష్టవశాత్తు అతను ముష్కర మూకల దాడిలో మరణించాడు. అప్పుడు ఆ రాకుమారి ఆ రాజ్య బాధ్యతలు చేపట్టాలని నిర్ణయించుకుంది. త్యాగ మూర్తి పేరుతో అందరి మనసులో చోటు సంపాదించుకుంది. ఇంతవరకు చాలా బాగుంది. ఆ తర్వాత ఏమయ్యిందో తెలీదు. రోజులు గడుస్తుండగా ఏవో తెలీను మార్పులు ఆ రాజ్యంలో. ఆ రాజ్య ప్రజలకు పూర్వపు అనుభవంలో వున్న 'విభజించు పాలించు' అనే సూత్రం మళ్లీ కళ్ళ ముందు కదులుతున్న చాయలు. అవినీతి, అధికార దాహం, ఆందోళనల పేరుతో ప్రజల మధ్య , ప్రాంతాల మధ్య విభజన రేఖలు ప్రభలుతున్న అనుభవాలు. మరో పక్క ఆమె పుత్రరత్నం నుండి మరో రకమైన విభజన వాక్కులు.   'భిన్నత్వంలో ఏకత్వం ' అనే దానికి అచ్చమైన ఉదాహరణగా నిలిచిన ఆ రాజ్యంలో మతం ఆధారంగా జనాల మనసులో విభజనలు తొంగి చూసే  మాటలు. అదీ మరో రాజ్యానికి చెందిన వారితో.  కోణాలు ఏవైనప్పటికీ మరొక్క సారి 'విభజించు పాలించు' అనే సూత్రం ఆ రాజ్యాన్ని భవిష్యత్తులో చిందరవందర చేయనుందా? అనేది క్లైమాక్స్. -  మాంచి ప్రొడ్యూసర్ దొరికితే ఈ కథతో సినిమా తీయాలని మా ఫ్రెండ్ కలలు కంటున్నాడు. మీ అభిప్రాయం చెప్పి ఆ ప్రొడ్యూసర్ ని రక్షించండి.